Илнар Низамиевка 50! Кариев театрында «Без бит авыл малае» спектакле премьерасы узды!

Бу спектакль шушы театрда 30 елга якын хезмәт куючы, Татарстанның атказанган артисты Илнар Низамиевның 50 яшьлек юбилеена багышланган булу белән беррәттән, күренекле драматург Туфан Миңнуллинның тууына 90 тулуны да искә алу булды. Премьерадан соң юбилярны котлар өчен сәхнәгә дәүләт җитәкчеләре, артистның якташлары, Казан театрларыннан һәм Кариев театрындагы хезмәттәшләре җыелды. Теләче районы башлыгы Илнар Низамиевка ат бүләк итте!