Хәбәрләр

Камал театрында Алмас Хөсәенов концерты узды

21 нче гыйнвар Камал театрының Универсаль залында Башкортстаннан Татарстанга күченеп килгән җырчы Алмас Хөсәеновның «Туеп булмый яратып» дип исемләнгән беренче сольный концерты узды.

Артист Кәрим Тинчурин театрының Ильяс Камал җитәкчелегендәге оркестрына кушылып җырлады. Кичәдә шулай ук Татарстанның атказанган артисты Татьяна Ефремова һәм композитор Гөлназ Закирова, шулай ук Алмасның улы да чыгыш ясады.

Концерт дәвамында дөнья халыкларының төрле телләрендә җырлар Алмасның үзе турында монологлары белән үрелеп барды.

Концерт "Калеб" - яңа буын җыены белән берлектә оештырылган иде.