«Караучысы булмагач, киносы да юк!»

18  нче ноябрьдә Илдар Ягъфәровның «Исәнме сез?»  фильмы киң прокатка чыга. Картина премьерасы  XVII  Халыкара мөселман кинофестивале кысаларында узды. «Татаркино» оешмасы җитәкчесе  Миләүшә  Айтуганова сүзләренчә, хәзерге вакытта  республиканың 27 районында 86 күрсәтү ноктасы оештырылган. Соңрак фильмны чит төбәкләрдә яшәүче милләттәшләребез карый алачак. Сценарий авторы Мансур Гыйләҗев билгеләп үткәнчә, «Татар киносы юк дип әйтергә яратабыз, караучысы булмагач, киносы да юк!» Шуңа әлеге фильм буенча тәкъдим-киңәшләр көтәләр. Илдар Ягъфәров фикеренчә: «Татарларны уйнап-биеп, күңел ачып яшәүче  милләт буларак күреп ияләнелгән, ә бу фильмда - чын тормыш, татарлар яшәүче мохитнең чынбарлыгы. Мине татарларга каршы дип гаепләргә кирәкми!»