Кариев театры артистларына мактаулы исемнәр бирелде

Г.Кариев исемендәге татар дәүләт яшь тамашачы театрында күптән көтелгән яңалык.

Театрның алдынгы артистлары Халидә Сөнгатуллина һәм Илфат Камалиев «Татарстан Республикасының халык артисты», Лидия Галиева һәм Гөлнара Фазылҗанова «Татарстан республикасының атказанган артисты» исеменә лаек булдылар.

Ә театрның рәссам-дизайнеры Розалина Мөсәбирова мәдәният өлкәсендә күпьеллык нәтиҗәле иҗади хезмәте өчен «Татарстан Республикасының атказанган сәнгать эшлеклесе» исеменә ия булды!

Кариевлыларны зур казанышлары белән чын күңелдән котлыйбыз!

Автор: А.Галимова

Фото: Рәмис Нәҗмиев