Кариев театры Саба районына гастрольләргә җыена

(Казан, 16 гыйнвар, «Татар-информ»). Габдулла Кариев исемендәге Казан Татар дәүләт яшь тамашачы театры Саба районына гастрольләргә җыена. Коллектив өлкәннәр өчен “Әйдә барыйк, кызлар карыйк” спектаклен алып килсә, балалар өчен ЮХИДИ идарәсе белән берлектә куелган “Светофорда кунакта” спектаклен күрсәтәчәк, дип хәбәр итә театрның матбугат хезмәте.

Оештыручылар “Светофорда кунакта” спектакленең 2018 елда кулланылышка керә торган юл билгеләре турында да мәгълүмат бирәчәген әйтә. Ә спектакль алдыннан ЮХИДИ хезмәткәрләре балаларга юл йөрү кагыйдәләрен аңлатачак.

татар-информ