КФУның "Халыкара мөнәсәбәтләр" юнәлешен тәмамлаучылар абруйлы эксперт-аналитиклар булачак
КФУ халыкара мөнәсәбәтләр өлкәсендә уникаль компетенцияләргә һәм ике чит тел белүгә ия булган эксперт-аналитиклар әзерли. Бу хакта КФУның рәсми сайтында хәбәр ителә. "Халыкара мөнәсәбәтләр" юнәлеше...
КФУ халыкара мөнәсәбәтләр өлкәсендә уникаль компетенцияләргә һәм ике чит тел белүгә ия булган эксперт-аналитиклар әзерли. Бу хакта КФУның рәсми сайтында хәбәр ителә.
"Халыкара мөнәсәбәтләр" юнәлеше программалары халыкара коммуникациянең хәзерге юнәлешләренә үтеп керә алырлык эксперт-аналитиклар әзерләү максатын күз алдында тотып төзелгән.
Матбугат хәбәрендә белдерелгәнчә, әлеге юнәлешне тәмамлаучыларны дипломатия хезмәткәрләре сыйфатында РФ Тышкы эшләр министрлыгы системасында, РФ субъектларының министрлыклар һәм дәүләт комитетлары системасында, дәүләти булмаган халыкара оешмаларда, коммерция структураларында, халыкара профильле коммерцияле булмаган иҗтимагый оешмаларда, масс-медиада абруйлы һәм югары хезмәт хаклы эш көтә. Ә чит ил студентлары өчен башка дәүләтләрдә дәүләт органнарында һәм дәүләт хезмәтендә эшләү мөмкинлекләре ачыла.
Укулар башлануга, студентлар кафедрада эшләүче галимнәр белән уртак проектларга кушыла, халыкара мөнәсәбәтләр, дөнья сәясәте һәм дипломатия мәсьәләләрен өйрәнүче фәнгә өлеш кертә алачак.
Студентлар, Россия Фәннәр академиясенең Көнчыгышны өйрәнү институты белән берлектә эшләүче КФУның Вазгыять-аналитика Үзәгендә уникаль экспертлык күнекмәләрен үзләштереп, сайлаган һөнәренең лидеры булып китә алачак. Үзәк дөньядагы глобаль һәм төбәк иминлеге буенча даими мониторинг үткәрә, диелә матбугат хәбәрендә.
Следите за самым важным и интересным в Telegram-каналеТатмедиа
-
Габдулла - яктылык! Татар театрының атасы Габдулла Кариевның туган авылына сәяхәт
-
Мәдәни күпер салучы. Каюм Насыйри тууга 200 ел!
-
Казан Яшь тамашачылар театры 92нче театраль сезонын тәмамлады
-
Камал театрында «Гөргөри кияүләре» спектакле 600 нче тапкыр уйналды һәм 119 нчы сезон ябылды!
-
Камал театры 119 нчы театраль сезонны яңа бинада япты!
-
Казанда беренче тапкыр «Алтын битлек» театр премиясен тапшыру тантанасы узды!
-
«Алтын битлек» премиясе Казанда!
-
Фәрит Бикчәнтәев: «Исемне үзгәртеп, без милли театрларның чикләрен киңәйтәчәкбез”
Комментарий юк