Хәния Фәрхинең әнисенә 90 яшь тулды

Узган атнада Хәния Фәрхинең әнисе 90 яшьлек юбилеен билгеләп узды. Юбилей уңаеннан төшерелгән фото һәм видео Хәния Фәрхинең бертуган сеңлесе инстаграм сәхифәсенә урнаштырган.

Фотосурәттә җырчының олы кызы Алия дә бар. «Кадерле, газиз әниебезнең олы юбилее! Меңнәр арасынан әнине сайлау хокугы булса, без алты сабыең, һичшиксез, сине сайлар идек! Сау-сәламәт гомерле бул!» – дип котлый Фирүзә ханым әнисен.

«Безнең Хәниябез өчен мең рәхмәтләр сиңа, Фәния апа! Сәламәтлек, озын гомер сиңа! Туган көнең котлы булсын!», «Бигрәк матур ак әби, күз тимәсен», «Бәйрәм белән, сезне һәм бу сабыр әнине», дип укучылары Фәния апаны котладылар.