«Леонид Якубович Чабаксар халкын рәнҗеткән?!» (Фото)

«Поле чудес» алып баручысы Леонид Якубович Lexus автомобилендә Чабаксардагы җәяүлеләр юлыннан узган. Якубович бирегә Балаларны яклау көненә багышланган хәйрия чарасына килгән булган. Ул бара торган юлны машиналар йөрмәсен дип автобус белән ябып куйганнар. Ләкин танылган алып баручы калган юлын җәяү барасы килмәгән, ул җәяүлеләр юлыннан да машина белән генә барырга булган. Машинасын да махсус урынга куеп тормаган, юл өстендә калдырган.

Җирле халык Якубовичтан гафу үтенүен сораса да, ул «мин алай эшләмәдем, бу сафсата» дип гафу үтенүдән баш тарткан

Источник: Шәһри Казан

Фото: ptoday.ru