Лилия Хәйруллина сипкелләр турында хыяллана

Яз хатын-кыз өчен кыска итәкләр, ялан баш, кәттә күзлекләр генә түгел шул әле ул. Чәчләрне матурлап таратып, кәс-кәс атлап, кояштан кинәнеп йөри башлыйсың гына... Биткә шундук тимгелләр, сипкелләр сибелергә керешә. Косметологлар исә ул пигмент тимгелләр, сипкелләрне кочак җәеп каршы алмаска куша шул ‒ spf факторы 30дан да ким булмаган кремнарны мулдан сыйпап йөрергә куша. Чөнки яшьлектәге гадәти сипкелләр вакыт узу белән ел фасылының бер чагылышы гына түгел, бит тиресенең ел әйләнәсе аерылгысыз дустына әверелеп куярга мөмкин. Шуңа кояш күзлекләре белән бергә кояш кремнарын да онытмыйбыз, кызлар!

Хәер, кемгә ничек бит. Кемдер сипкел-тимгелләреннән котылу өчен косметологлардан кайтып кермәсә, кемгәдер ул нокталар бик кадерле дә булырга мөмкин. Мисалга, җырчы Лилия Хәйруллина шундыйлардан икән. Кемдер сипкеленнән җенләнсә, ул сипкелле булырга хыяллана икән. Кемгә нәрсә... Юк инде, кәбестә турында сөйләвем түгел. Кемгә нәрсә, кызларга сипкел дә бик килешә дип тәмамлыйк әйдә! Урамда безне кояш һәм тәмле кәеф көтә.

Автор: Гөлнара Җәлилова

Посмотреть эту публикацию в Instagram

Кто-то мечтает избавиться от веснушек ..а вот мне понравилось быть веснушчатой ☺️ Всем весны ☀️ #лилияхайруллина

Публикация от Лилия Хайруллина (@liliya_khairullina_official) 18 Мар 2019 в 10:46 PDT