Матвиенко Россиядә пенсия яшен салмак кына күтәрергә тәкъдим итә

Федерация Советы спикеры пенсиягә чыгу вакытын бер елга ярты ел арттыруны тәкъдим итә.

(Казан, 17 май, “Татар-информ”). Федерация Советы рәисе Валентина Матвиенко Россиядә пенсия яшен салмак кына күтәрергә кирәклеге турында җиткерде. Бу хакта ТАСС хәбәр итә.

Федераль Җыен югары палатасы спикеры пенсия яшен күтәрү ил өчен актуаль булуын, шунлыктан “башны комга яшермәскә”, ә “ачык итеп сөйләү”не тәкъдим итте.

Шул ук вакытта Матвиенко карар кабул иткәндә проблеманы сәясәтләштермәскә, ә “икътисади, социаль мантыйкка һәм акылга” таянырга кирәклегенә ышана. Шуның нигезендә, ул ун ел дәвамында ир-атларга һәм хатын-кызларга пенсиягә чыгу вакытын бер елга ярты ел арттыруны тәкъдим итә.

татар-информ