«Милли мультfest»

Җиңүчеләрнең эшләре зур экраннарда күрсәтеләчәк.

25 ноябрь көнне 11:00 сәгатьтә «Мир» кинотеатрында «Милли мультfest» республика балалар кинофестиваленең финалы узачак.

Фестиваль Татарстанда өченче тапкыр уздырыла. Фестивальдә катнашу өчен республика районнарыннан һәм шәһәрләреннән 497 эш теркәлгән. Хәзерге вакытта конкурска килгән эшләрне кино өлкәсе осталарыннан торган жюри әгъзалары бәяли. Җиңүчеләрнең эшләре зур экраннарда күрсәтеләчәк.

«Милли мультfest» Татарстан Республикасы Рәисе каршындагы Татар телен һәм Татарстан Республикасында яшәүче халыклар вәкилләренең туган телләрен саклау, үстерү мәсьәләләре комиссиясе ярдәме белән «Татаркино» дәүләт бюджет мәдәният учреждениесе тарафыннан 2020 нче елдан башлап уздырыла.

Мәдәният министрлыгы телеграм-каналы

Следите за самым важным и интересным в Telegram-каналеТатмедиа