Татарстан Республикасы «Хәзинә» милли сәнгать галереясендә Илдус Мортазинның «Хәрәкәт» күргәзмәсе ачылды

Экспозициядә авторның күпкырлы сәнгать дөньясын ачучы рәсемнәр: «Сабантуй» сериясенең бәйрәм энергиясеннән алып татар халкы язмышы битләренә багышланган тирән тарихи образларга кадәр. Үзәк урынны «Сабантуйга рәхим итегез!" картинасы алып тора (2019 ел).
Килүчеләр шулай ук тарихи циклдагы эшләрне — батырлар, хакимнәр һәм күренекле шәхесләр образларын (Олуг Мөхәммәд, Сөембикә, Кол Гали) күрәчәк. Илдус Мортазинның стиле фигуратив рәсем сәнгатенең реализмын декоратив шартлылык белән органик рәвештә берләштерә, ә колористик чишелешләр милли колорит һәм Көнчыгыш сәнгате һәм Европа постимпрессионизмы традицияләренә сылтамалар йөртә.

Рәссам турында:
Илдус Мортазин – Россия Рәссамнар берлеге, ЮНЕСКО АИАП халыкара сынлы сәнгать ассоциациясе, Россия рәссамнар иҗат берлеге һәм Татарстан Республикасы Рәссамнар берлеге әгъзасы. «Ел рәссамы 2022» исеме лауреаты (Түбән Кама шәһәре), «Фидакарь хезмәт өчен» медале һәм «ТАССРның 100 еллыгы»истәлекле билгесе белән бүләкләнгән. Аның эшләре Татарстанның әйдәп баручы музейларында саклана.