«Минем бу хәлләрне аңлатырлык акылым юк!»

Илсөя Бәдретдинова Рөстәм Минниханов белән Ирада Әюповадан ярдәм сорый. Җырчының Башкортстандагы концертларын кичектерергә мәҗбүр.

«Кадерле тамашачылар, минем бу хәлләрне аңлатырлык акылым юк! Мин килергә әзер! Сез дә билетлар алгансыз! Электричество да бар! Дөньялар үзгәрде...

Гафу итегез безне! Без чынлап та хөрмәт итеп, яратып, очрашулар өмет итеп калабыз! Концертларны көзгә күчереп карыйбыз... Кертерләрме, юкмы – билгесез...» – дип яза ул инстаграм битендә.

Искәртеп китик, күптән түгел Фирдүс Тямаевның да Башкортстанда концерты өзелде. Шул уңайдан артист пост астында комментарий калдырган: «Кайгырма, брат, мин синең белән. Барыбер чишәбез бу проблеманы, Аллаһ теләсә. Артка чигенү юк!»