Минтимер Шәймиев тавыш бирде

Татарстан Дәүләт Киңәшчесе Минтимер Шәймиев Конституциягә төзәтмәләрне хуплау мәсьәләләре буенча тавыш бирүдә катнашты.

ТР Президенты матбугат хезмәте хәбәр итүенчә, Минтимер Шәймиев Татарстан Республикасы Лаеш районының Боровое Матюшино бистәсендәге сайлау участогында тавыш биргән.

Бүген Россиядә Конституциягә үзгәрешләр кертү мәсьәләсе буенча тавыш бирүнең төп этабы уза. Татарстанда 65 территориаль һәм 2,8 мең участок сайлау комиссиясе эшли. Республикада 2,9 млн кеше үз ихтыярын белдерү хокукына ия.

Чыганак: Татар-информ