«Нишләп сарык булды ул?»

8 гыйнвар көнне җырчы Гүзәл Уразова туган көнен билгеләп үтте. Иң оригиналь бүләкне аңа Илсия Бәдретдинова бүләк иткәндер, ул ‒ сарык. Теге елны Илсия сәхнәдә аңа сарык бүләк итәм, дип вәгъдә иткән булган. Вәгъдә ‒ иман, диләрме әле, сүзендә торган бит. Бу бүләктән соң Гүзәл үзе Илсиягә шалтыратып рәхмәтләрен җиткергәнен видеога төшереп торган, аларның сөйләшүләрен сезгә дә тәкъдим итәбез.

-         Илсия җаным, кайтып җиттеңме?

-         Әйе, кызый, 4ләр тирәсендә.

-         Рәхмәт әйтеп шалтыратуым иде. Обещанного три года ждут диләр бит, синеке тиз килде әле бу. Бер ел дигәндә килеп төште, бик тиз булды бит бу. Хәзер үзеңне көтәм инде, ашарга.

-         Бик грандиозно да булмады, ничек булды шулай булды.

-         Чын күңелдән булды. Минем бер генә сорау калды. Нишләп сарык булды ул?

-         Белмим, кызый. Берәр нәрсә әйтергә кирәк иде бит инде, тоттым да әйттем инде. Сыер дисәң күпкәрәк китер, тавык дисәң бәләкәй була.

-         Мин Илсия сарыгын бирмәсә, җәйгә тавык сорарга уйлап йөри идем инде.

Менә шундый бүләкләр дә була ул.