Хәбәрләр

Рәшидә Җиһаншина истәлегенә мемориаль такта ачылды

Марсель Сәлимҗанов исемендәге Актёрлар йорты диварында РСФСР һәм ТАССР халык артисты, драматург Рәшидә Җиһаншина (1917-2003) истәлегенә мемориаль такта ачылды.

17 гыйнвар – Россиядә беренче тапкыр билгеләп үтелүче бәйрәм - Артистлар көнендә Марсель Сәлимҗанов исемендәге Актёрлар йорты диварында нәкъ менә Рәшидә Җиһаншинаның мемориаль тактасын ачу очраклы түгел, чөнки ул 17 ел дәвамында (1971-1988) Бөтенроссия театр җәмгыятенең татар бүлеген җитәкли.

Мемориаль такта ачу тантанасында төрле театр әһерлләре, Татарстан Республикасы Мәдәният министрлыгы вәкилләре, Рәшидә Җиһаншинаның улы Рафаэль, оныклары бар иде.