Ришат Фәзлыйәхмәтов өйләнергә җыена?

Күптән түгел җырчы Ришат Фәзлыйәхмәтов инстаграм битендә туй темасын күтәргән иде. Инстачылар Ришатка өйләнү белән ашыкмаска киңәш иттеләр.

«Безнең сезгә бер сорау туды: дуслар, әйтегез әле, Сез нинди айда туй үткәрер идегез?» – дип сорау бирә Ришат йөргән кызы белән төшкән фотосы астында.

Тамашачылар август аен – иң кулай ай дигән фикер йөртәләр. 

«Уңышлы чор – август, тормышыгыз искиткеч мул булыр, бәхете ташып торыр Гел бәхетле язмыш кына телим инде Сезгә»;

«Туйны кайсы айда да үткәрсәгез була, тик май ае бик әйбәт түгел диләр. Мәхәббәтегез тигез булса, август аенда уздырыгыз, бәхетегез генә булсын!»;

«Иң мөһиме бәхетле булыгыз, кеше кертмәгез арагызга, мәхәббәтегез сүрелмәсен», дип язалар тамашачылар.