Ришат Төхвәтуллин: «Мәхәббәтемне тапсам, илһам чыганагын югалтмам микән?»

Татар эстрадасының иң популяр буйдагы Ришат Төхвәтуллин үз ярын табу турында уйлана башлаган. «Мәхәббәт – илһам чыганагы. Мин дә үз ярымны эзли-эзли инде күпме җырлар иҗат ителде! Юк-юкта башка шундый уйлар килә: мәхәббәтемне тапсам, илһам чыганагын югалтмам микән?» – дип яза җырчы үзенең Инстаграм аккаунтында.

Илһам чыганагын мәхәббәттән күрә артист. Бу фикер белән барыбыз да килешәдер. Шулай да, үз ярыңны табу белән илһам чыганагы югалырга түгел, киресенчә, артырга гына тиеш. Чөнки мәхәббәт кешене яшәтә.

Шушы фикерне дәвам итеп, әлеге язма астында Ришатка бик күп киңәшләр язылган: «Сайланган сазга, очраган тазга, ди, Ришат. Сайланма да, эзләмә дә, узеңә насыйп яр үзе табыла ул. Бер-берегезне хөрмәт итеп яшәрдәй кеше булсын. Тормыш мәхәббәткә генә корылмый, олы ихтирам яшәтә кешеләрне. Ә мәхәббәт ул сукыр, килә дә ул, китә дә», «Андый уйлар белән йөрсәң, мәңге өйләнә алмыйсың! Гаилә бәхетен бернәрсә дә алыштыра алмый! Синең дә бәхетле булырга хакың бар!», Син эзләмисең, Ришат. Җыр җырлап мәхәббәт табылмый ул», һ.б.

Автор: А.Галимова

Фото: Инстаграм @rishat_thv