Хәбәрләр

Рөстәм Галиев Түбән Кама татар дәүләт драма театры директоры вазифасыннан китте. Театрда яңа директор

Рөстәм Галиев - Татарстанның халык артисты, Республиканың атказанган сәнгать эшлеклесе, Туфан Миңнуллин исемендәге Түбән Кама татар дәүләт драма театрында 1989 елдан баш режиссер, ә 2009 елдан директор вазифасын башкарды. Хәзер Рөстәм әфәнде төп игътибарын артистлык эшчәнлегенә юнәлтергә карар кылган.

Рөстәм Галиев урынына Түбән Кама театры директоры итеп Гүзәл Мөбәрәкшина билгеләнде.

Моңа кадәр Гүзәл Мөбәрәкшина Түбән Кама муниципаль районының Мәдәният идарәсен җитәкләгән.