«Сәлам, декрет 2!»: Венера Аитова икенчегә бәби көтә

ТНВ телеканалының алып баручысы Венера Аитова янә декрет ялына китергә җыена икән. Бу шатлыклы хәбәр белән ул инстаграмда уртаклашты.

«Нууу, сәлам, декрет 2!» – дип язган алып баручы. Моннан берничә көн элек Венера Аитова Зөлфия Вәлиева белән төшкән фотоны урнаштырган иде. Фотосурәттә аның түгәрәкләнеп килгән корсагы күренә.

Исегезгә төшереп китик, Венера Аитова 2019 елның сентябрендә тәүге тапкыр әни булган иде. Тормыш иптәше Динар белән улларына Гомәр исемен кушканнар.