Тәбрис Яруллин Дөнья татар конгрессы рәисе урынбасары вазифасыннан китә

Дөнья татар яшьләре форумы рәисе Тәбрис Яруллин Татар конгрессының Башкарма комитеты рәисе урынбасары вазифасыннан һәм форум рәислегеннән китә. Бу турыда Азатлыкка Тәбрис Яруллин үзе раслаган.

Ул әлеге вазифаларын үз теләге белән киткәнен, бу турыда гариза язганын әйтте. «Башкача артык берни әйтә алмыйм, сорауларны Конгресс матбугат үзәгенә юлларга мөмкин», дигән ул.

Тәбрисне Дөнья татар яшьләр форумы рәисе итеп Форум шурасы 2018 елда узган җыенда ике елга сайлаган иде.