Хәбәрләр

Татарстанда «ПрофилАрт» Республика театраль куелышлар конкурсы старт ала

20 августта «ПрофилАрт» Республика театраль куелышлар бәйгесенең заявка кампаниясе старт алды, аның кысаларында бөтен республикадан килгән иҗат коллективлары социаль әһәмияткә ия темаларга бирелгән сценарий буенча театраль куелышлар ярышында катнаша алачак. Төп бүләк – Габдулла Кариев исемендәге Казан Татар дәүләт яшь тамашачы театрының Зур сәхнәсендә чыгыш ясау һәм коллективның һөнәри үсешенә акчалата бүләк. Катнашу өчен гаризаны 20 сентябрьгә кадәр фестивальнең сайтына кереп бирергә була.

Кемнәр катнаша ала?

14 яшьтән 35 яшькә кадәрге театр коллективларының түбәндәге категорияләре:

- профессиональ коллективлар;

- яшьләр коллективлары;

- студентлар коллективлары;

- мәктәп коллективлары.

Бәйге берничә этаптан тора: 1. Сайтта 20 сентябрьгә кадәр гариза бирү һәм сайлау өчен сценарийлар алу. 2. Дистанцион әзерлек һәм репетицияләр. 3. Йомгаклау эшен видеога яздыру һәм оештыручыларга 20 октябрьгә кадәр җибәрү. 4. Эксперт жюри бәяләмәсе, җиңүчеләрне билгеләү һәм 25 ноябрьдә Габдулла Кариев исемендәге Казан Татар дәүләт яшь тамашачыны театрга чыгыш ясарга чакыру.

Следите за самым важным и интересным в Telegram-каналеТатмедиа