Тинчурин театры артисткасын котлыйбыз!

Бүген Татарстанның атказанган артисткасы Мәхмүтова Лилия Хәлил кызының туган көне. 

Актриса 1967 елның 12 сентябрендә Казан шәһәрендә туа. 1991 елда Казан Театры училищесын, ә 2012 елда Казан дәүләт мәдәният һәм сәнгать университетын (әлеге көндә институт) тәмамлый. Кәрим Тинчурин театрында 1991 елдан хезмәт итә.

Без дә котлауларга кушылып, хөрмәтле актрисабызга ихлас күңелдән исәнлек-саулык һәм уңышлар теләп калабыз! 

Автор: Г. Вәлиева

Фото: редакция архивыннан