«Бездән – сорау, сездән – җавап»: Рөстәм Закиров тамашачы алдында башкарган иң беренче җырын хәтерлиме икән?

Кадерле укучыбыз! Сезгә өр-яңа «Бездән – сорау, сездән – җавап» сәхифәсен тәкъдим итәбез.

Рөстәм Закиров, Татарстанның халык артисты, Казан шәһәр филармониясе солисты тамашачы алдында башкарган иң беренче җырын хәтерлиме икән?

– Тәүге тапкыр җыр башкаруым 6 яшемдә булды. Хис-кичерешләремне төгәл хәтерләмим дә инде, авылыбызның мәктәбендә балалар өчен Яңа ел тамашасында, ахры, укырга кермәгән идем әле. Ул вакытларда шигырь сөйләү мәртәбәлерәк гамәл иде, чараны оештыручылар миңа да сөйләргә кушты, әмма үземә җырлау җайлырак булганга, «Арча кичләре»н җырлап котылдым. Ул радиодан да еш яңгырый иде, әтием дә җырлап йөргәнгәме, шуны сайлаганмындыр. Җырда шундый юллар бар:

Арча кичләре,

Сагыну хисләре.

Сине уйлап йөрәгем

Әллә нишләде.