«Әйдә, ШаяРТ!» татар КВН лигасының 2024 ел сезоны җиңүчесе тиздән билгеле була!

2024 елның сезон ябылышы уенында барлыгы 5 команда катнаша. Җиңүче исеменә «Нәмәкәй» (Актаныш), «Сабалета» (Саба), «Изи» (Мамадыш), «Дилүс улы» (Казан), «Керәшеннәр» (Казан) командалары дәгъва кыла. Алар барысы да, ярымфиналда җиңеп, финалга чыккан.

Уенчыларга Россиянең атказанган, Татарстанның халык артисты Салават Фәтхетдинов, Татарстанның халык артисты Җәвит Шакиров, «ТНВ» телеканалының генераль директоры Илшат Әминов, «Әйдә, ШаяРТ!» татар КВН лигасы җитәкчесе Рамил Агдеев, «ТНВ» телеканалының алып баручысы Айваз Садыйров бәя бирәчәк.

Уен телевизион съемкага да төшереләчәк. 2025 елның февралендә «Әйдә, ШаяРТ!» татар КВН лигасының яңа сезоны башланачак.