Айдар Галимов шиханнарны саклау проблемасы турында клип төшергән

Башкортстанның һәм Татарстанның атказанган артисты Айдар Галимов һәм танылган башкорт курайчысы Роберт Юлдашев «Не взрывай» дип аталган җыр яздырдылар. Шулай ук бу җырга клип та төшергәннәр, видеороликны бик күп кеше караган.

Клипта Шахтау тавы күрсәтелә. Видеоны Уфалылар бик яхшы кабул итә, алар Айдар белән Робертка бу теманы яктыртканнары өчен рәхмәт әйтәләр, һәм шулай ук Башкортстанның матур табигате белән сокланалар.

Башкортстанда шиханнар белән бәйле проблема Башкортстанда яшәүчеләрне битараф калдырмады. Шиханнарны промышленный масштабта кулланмакчы булалар, ләкин алардан саклаулык статусы алынмыйча моны эшләп булмый.

Автор: Гөлшат Хәлиуллина

Фото һәм видео: @aidar_studio