Азат Фазлыев: «Кем икәнен белмим, ләкин миңа охшаган»

Шушы көннәрдә Алсу һәм Азат Фазлыевлар УЗИга барганнар. Әлеге дулкынландыргыч вакыйга турында Алсу инстаграм битендә пост язып урнаштырган.

«Дулкынландыргыч көн булды… Әни кешегә иң мөһиме – баланың дүрт саны да төгәл булсын. Җенесе турында мәгълүмат – видеода», – дип уртаклаша Алсу.

УЗИ баланың җенесен дә билгеләгән. Ләкин әлегә бәхетле әти-әни дә, аларның инстаграм-дуслары да белмиләр.

«23 февраль минем туган көндә якыннар белән гендер-пати ясыйбыз. Хәзер түземсезлек белән шул көнне көтәбез», – дип өсти ул.