Кариев театры «Кәҗүл читек»не тәкъдим итә!

Г.Кариев исемендәге татар дәүләт яшь тамашачы театры көтеп алынган премьераны – Г.Исхакыйның Нәзифә Кәримова инсценировкасы буенча әзерләнгән «Кәҗүл читек» спектаклен тәкъдим итә. Спектакль Ренат Әюповның пластик режиссёр буларак беренче тәҗрибәсе һәм яшь артист Ләйсән Закированың Әхмәдулла ролендә дебюты белән үзенчәлекле. Спектакльнең премьерасы иртәгә, 30 ноябрьдә булачак.

Гает бәйрәме – халкыбызның дини йолаларының берсе. Гает бәйрәмен өлкәннәр дә, балалар да көтеп аладыр, мөгаен. Иртән мичтә пешкән тәмле коймакның хуш исенә уянып китеп, тәмләп чәй эчү... Матур, чиста киемнәр киеп мәчеткә бәйрәмгә бару... Спектакль герое Әхмәдулланың да күптәнге хыялы бу. Чөнки әтисе бәйрәмгә яңа кәҗүл читек алып кайтырга вәгъдә бирә бит...

«Гаяз Исхакыйга беренче генә мөрәҗәгать итүем түгел. Моңа кадәр «Остазбикә», «Сөннәтче бабай», «Кәләпүшче кыз» әсәрләрен сәхнәләштердем. Хәзер аларның рәтен «Кәҗүл читек» әсәре дә тулыландырды. Язучы татарларның көнкүрешен, эчке кичерешләрен нечкә итеп тасвирлый белә, шуңа спектакльне куйган вакытта алар режиссёрга бик нык ярдәм итә. «Кәҗүл читек» Әхмәдулланың Гает бәйрәме алдыннан булган кичерешләрен күрсәтә. Без бу бәйрәмнең килеп чыгу тарихына да мөрәҗәгать итәбез. Шулай итеп тамаша тере дәрес формасында үтәр дип планлаштырыла. Спектакльнең финалы тамашачылар өчен көтелмәгән булачак», – дип уртаклашты спектакль режиссёры Ренат Әюпов.

Автор: А.Галимова

Иң мөһим һәм кызыклы язмаларны Татмедиа Telegram-каналында укыгыз


Ошый
259
0
0
Комментарийлар (0)
Cимвол калды:
Азат Абитов: «Бәбине көтәбез инде»
FIFA җанатарлары фестиваленнән фоторепортаж
ARTS BILER FORUM
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы
  • Казнага Кагылма
  • Казнага Кагылма
Реклама
FIFA җанатарлары фестиваленнән фоторепортаж
ARTS BILER FORUM
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы