Казанда Ф. Шаляпин исемендәге фестиваль кысаларында «Сөембикә» операсы күрсәтеләчәк
30 гыйнвар – 22 февраль көннәрендә Казанда М.Җәлил исемендәге Татар академия опера һәм балет театры сәхнәсендә Ф. Шаляпин исемендәге 40 нчы Халыкара опера фестивале үтә.
30 гыйнвар – 22 февраль көннәрендә Казанда М.Җәлил исемендәге Татар академия опера һәм балет театры сәхнәсендә Ф. Шаляпин исемендәге 40 нчы Халыкара опера фестивале үтә.
Фестиваль афишасына 11 спектакль кергән.
Фестивальне Дж. Пуччининың «Тоска» операсы премьерасы ачып җибәрде. Спектакльнең музыкаль җитәкчесе – Ренат Салаватов, режиссер Юрий Александров, куючы рәссам Вячеслав Окунев. Премьера ике көн рәттән төрле артистлар катнашында күрсәтелде.
Фестивальне театр репертуарының тамашачылар тарафыннан яратып кабул ителгән «Пиковая дама» (П. Чайковский), «Травиата», «Аида» (Дж. Верди), «Севильский цирюльник» (Дж. Россини) әсәрләре дәвам итте. 15 февральдә М. Мусоргскийның «Борис Годунов» операсы күрсәтелде. Р. Леонкаваллоның «Паяцы» премьерасы фестивальдә 11 һәм 12 февраль көннәрендә куелды. Ике куелышта да төп партияләрне чакырылган артистлар башкарды.
Фестивальнең милли репертуарын Р. Ахиярованың «Сөембикә» операсы тәкъдим итәчәк. 21-22 февраль көннәрендә Казан тамашачысы халкыбызның милли мирасын баеткан легендар «Сөембикә» операсын янәдән карый алачак.
Ф. Шаляпин исемендәге Халыкара опера фестивале ул – опера сәнгатенең иң өлкән һәм масштаблы фестивальләренең берсе. Фестивальгә 1982 елда нигез салына, 1991 елдан алып ул халыкара дәрәҗәсендә үтә. Опера сәнгатенең гаҗәеп сәнгати яңгырашы, матурлыгы һәм бөеклеге Шаляпин фестивалендә чагылыш таба. Программада М. Җәлил исемендәге Татар академия опера һәм балет театрының үз спектакльләре тәкъдим ителә. Төп партияләрне Россиянең һәм дөньяның иң танылган солистлары башкара.
Следите за самым важным и интересным в Telegram-каналеТатмедиа
-
«Нина и хлебные карточки»: укучыларны уйга калдырган премьера
-
Тукай премиясенә кемнәр лаек яки премиягә кандидатлар турындагы матбугат конференциясендә 2025 ел кандидатлары турында сөйләшмәү
-
Камал театрының яңа бинасында «Камал кичләре» узды
-
«Төзәтмәгән әйбер өстендә яңа нигез тудырып булмый». Түбән Кама театрының баш режиссёры Лилия Әхмәтова «Борһан йорты» спектаклен икенче тапкыр куя
-
Чаллы театры актрисасы Чулпан Арсланова Татарстанның атказанган артисты исеменә лаек булды!
-
«Слушай мои позывные», «Просто жить»: Ватанны саклаучылар елы һәм Бөек Җиңүнең 80 еллыгына Казан Яшь тамашачы театрында тагын нинди премьералар көтелә?
-
Сәйдәшев исемендәге концерт залында Чайковский һәм Штраус көйләре яңгырады!
-
Миләүшә Хәйруллина: «Кызыл юлдан»
Комментарий юк