«Зөләйха кыйссасы»ның тарихы

Хөрмәтле укучыбыз!

Күптән түгел Зиннур Хөясниярның яңа «Зөләйха кыйссасы» повесте дөнья күрде. Шатлыклы хәбәребез бар: хәзер әлеге китапны турыдан-туры безнең редакциядән сатып алырга мөмкин! Алай гына да түгел, повестьне сатып алган һәрбер кешегә язучының «Көмеш чыбыркы» романын бүләк итеп җибәрәбез. Моның өчен saxna@mail.ru почтасына языгыз. Бәясе нибары 200 сум!

«Зөләйха кыйссасы»ның тарихы

Безнең яшьлек шактый болгавыр заманга туры килде, өстәвенә 30 ел буе коммунизм идеологиясе белән тәрбияләндек, сугарылдык та, капылт кына кыргый капитализмга аяк бастык. Алдагы яктылык сүнде кебек. Көчле җил-давыл вакытында ут чыбыгы өзелеп, авылдагы бар ут сүнгән кебек... Яшьтәшләремнең күбесе югалып калды, адашты-абынды, сөртенде.

Мин дә бу хәле авыр кабул иттем. Кызым белән малаемның әле сабый чаклары. Беркөн шулай төш вакытында өйгә кайтып керсәм, ике бала телевизорны ачканнар да, имәлеп, үзәк каналда барган сәер тапшыру карап утыралар. Шул кадәр макыннар болар, ишек тавышын да ишетмәделәр. Шулчак, ишек яңагына сөялдем дә аптырап калдым, күздән яшьләр тәгәрәде, юкка чыгып киттем! Бу балаларны мондый әхлаксыз заманда ничекләр итеп әдипле кешеләр итеп тәрбияләп үстерәсе?!.. Шулай үз балаларым өчен кайгырып йөргәндә татар сабыйлары өчен «Салават күпере» журналын нәшер итә башладым.

Заманалар һаман болгавыр. Туксанынчы еллар чын мәгънәсендә тулгак тота башлады. Шул газаплар белән йөргәндә минем җанда «Зөләйха кыйссасы» дигән әсәр язу нияте туды. Саф татар кызларын дөньяның ни рәвешле уйнашчы кызларга әйләндерүе хакында... «Зөләйха кыйссасы» синең өчен яздым, кадерле укучым!

Зиннур Хөснияр

Китаплар турында мәгълүмат

Зиннур Хөсниярның «Зөләйха кыйссасы» повестенда замана балаларының үзләрен табу һәм югалту тарихы сурәтләнә. Саф күңелле авыл кызы Зөләйханы замана җилләре кая илтә? Тормыш сукмагыннан барганда, бер таеп егылсаң – яңадан торып басуы авырмы? Икейөзлелек хакимлек иткән пычрак заманада тән һәм җан күңел сафлыгын саклап калып буламы? Бу сорауларга җавапны повестьтан табарсыз.

Танылган язучы Зиннур Хөснияр әлеге китабында киң катлам укучыларга инде таныш булган әсәрләре бергә «Көмеш чыбыркы» дип аталган яңа романын тәкъдим итә. Автор аның жанрын «роман-курку» дип билгели һәм чыннан да әсәрнең төп геройларыннан берсе Шүрлия кешеләрдә курку хисе тудыручы образ сыйфатында тасвирлана.

Иң мөһим һәм кызыклы язмаларны Татмедиа Telegram-каналында укыгыз


Ошый
396
0
2
Комментарийлар (0)
Cимвол калды:
«Русланны мин күңелемдә кичердем, әммә кире кайтулар булмаячак!..»
FIFA җанатарлары фестиваленнән фоторепортаж
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы
  • Минзәлә театры Сабир Өметбаев бюстын аның туган авылына бүләк итте
Реклама
FIFA җанатарлары фестиваленнән фоторепортаж
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы