2019 елда ничек ял итәбез?

Россиянең Хезмәт һәм социаль яклау министрлыгы 2019 елда ял һәм бәйрәм көннәрен күчерүне раслады. 

Ял итү тәртибе ведомство сайтында урнаштырылган.

Киләсе елга ял көннәре тәртибе:

5 һәм 6 гыйнвардагы ял көннәрен (шимбә һәм якшәмбе) 2 һәм 3 майга (пәнҗешәмбе һәм җомга) күчерәләр. 

23 февральдәге ял көне (шимбә) 10 майга (җомга) күчереләчәк.

Шулай итеп, киләсе елда яллар түбәндәгечә планлаштырыла:

2018 елның 30 декабреннән – 2019 елның 8 гыйнварына кадәр;

23 – 24 февраль;
8 – 10 март;

1 – 5 май;

9 – 12 май;

12 июнь;

2 – 4 ноябрь. 

Хезмәт кодексының 112 маддәсе нигезендә, 1, 2, 3, 4, 5, 6 һәм 8 гыйнвар Яңа ел каникуллары;

7 гыйнвар – Раштуа бәйрәме;

23 февраль – Ватанны саклаучылар көне;

8 март Халыкара хатын-кызлар көне;

1 май – Яз һәм хезмәт бәйрәме;

9 май – Җиңү көне,

12 июнь – Россия көне;

4 ноябрь – Халыклар бердәмлеге көне.

Фото: pixabay.com