Алла Пугачева фанатларын кыю мини белән сокландырган

42 яшьлек Максим Галкин үзенең Instagram битендә яшьләр киемендә 69 яшьлек Алла Пугачеваның фотосурәтен урнаштырган. Җырчы үтә кыска мини итәк, бомбер һәм ботильон кигән. «Минем матурым репетицияга ашыга» - дип язып куйган Максим. Фанатлар артистканың стильле киемнәрен уңай бәяләгәннәр, ә Пугачеваның төз аяклары аеруча соклану уяткан. «Аяклары бик матур», «Яшь кызлар көнләшерлек!» , «Искиткеч хатын −кыз»,«Нинди стильле образ» кебек коментарийлар калдырган җырчының фолловерлары.

Шунысын да билгеләп үтәргә кирәк, Пугачева бик нык ябыккач, тамашачыларга мини күлмәкләрдә һәм кысып тора торган джинс чалбарларда ешрак күренә башлады. Дөрес, кайчагында мондый модалы экспериментлар аны яратучыларга ошамый.

Фото җырчының шәхси аккаунтыннан