«Аның үпкәсе начар хәлдә...»

Күренекле җырчы Юрий Шатуновның хәле авыр, диләр.

Русия продюсеры Андрей Разин Юрий Шатуновның сәламәтлеге өчен борчыла. Алар башкача элемтәдә тормаса да, Разин «Ласковый май» төркеменең элекке солисты хәле өчен кайгыра. «Ласковый май» төркеменең тагын бер элекке солисты Александр Прико күптән түгел үлгән. Агымдагы елның июлендә 46 яшьлек музыкант коронавирус эләктергән. Нәтиҗәдә, инфекция үпкәдәге яман шешкә күчкән, артист 2 сентябрь көнне вафат булган.

«Хәзер Юрий Шатунов та хәвеф төркемендә. Аның үпкәсе бик йомшак. Әгәр дә ул коронавирус эләктереп алса, 100 процент шундый ук авыру булачак. Прико тугыз яшьтән тәмәке тарткан, ә Юра Шатунов алты яшеннән башлаган.
Шуңа күрә анда үпкәдән бернәрсә дә калмаган дип уйлыйм. Мин аның өчен борчылам», – дип хәбәр итә Разин сүзләрен «Собеседник» басмасы.

Чыганак: Кызыл таң