Башкортстан курчак театрында яңа сезонда Мостай Кәримнең тормыш юлына багышланган "Мостай Кәрим. Якындагы офык" дип аталган спектакль куелачак. Бу турыда Курчак театры сайтында хәбәр ителә.
"Мостай Кәрим. Якындагы офык" спектаклендә курчаклардан тыш, битлек кигән актерлар һәм биючеләр дә катнашачак. Спектакль видеопроекция белән тулыландырылып барачак.
"Мостай Кәрим турында кеше буларак сөйлисе килде", - дигән идея авторы һәм режиссер Альберт Имаметдинов.
Спектакльгә музыканы Урал Иделбаев язган, диелгән әлеге хәбәрдә.
- 2019 елда Башкортстанның халык шагыйре Мостай Кәримнең тууына 100 ел тула.
