«Бик Матур» бәйгесендә Россия төбәкләреннән һәм Казахстаннан 12 татар кызы җиңүче булды

14 - 16 декабрь көннәрендә Татарстан башкаласында Россия төбәкләреннән һәм шулай ук Казахстаннан 12 гүзәл кыз булды.

Кызлар «Бик Матур» бәйгесендә җиңеп, Казанга сәяхәт юлламасы откан. Башкалада аларны бүләкләү тантанасы узды. Җиңүчеләргә Рәхмәт хатлары һәм заманча популяр смартфоннар тапшырылды. Бу хакта оештыручылар хәбәр итә.

Һәр катнашучы үзе, шөгыле, яшәгән урыны турында сөйләде, викторинада катнашып, татар телен, мәдәниятен ничек яхшы белүен күрсәтте.

«Бик Матур» бәйгесендә Россия төбәкләреннән һәм Казахстаннан 12 татар җәмгыятенең «ВКонтакте» дагы язылучылары иң мөлаем татар кызын сайлаган. Бәйге быел ноябрь аенда башланып киткән булган.

Бәйгедә барлыгы 500 кыз катнашкан. Алар Мәскәү шәһәре, Мәскәү, Оренбург, Пенза, Свердловск, Чиләбе, Самара, Төмән, Ульяновск өлкәләреннән, Пермь краеннан, Башкортстан, Удмуртия, шулай ук Казахстаннан булган.

Тавыш бирү өч этапта бара. Жюри һәр төбәктән бер канашучыны җиңүче итеп сайлый.

Фото: предоставлено организаторами

Чыганак: татар-информ