Дилә Нигъмәтуллина: «Әле дә авырта...»

Җырчы Дилә Нигъмәтуллина һәр нәрсәнең уңай якларын күрергә киңәш итә. Ул үзе дә, әнә, теше сызлауга карамастан, бу проблеманың уңай ягын тапкан.

«Берничә көн элек теш алдыртырга туры килде. Әле дә авырта. Теш авыртканда бигрәк инде ул, баш бернәрсә турында да уйлый алмый. Бер уйлаганда рәхәт инде, ә? Уйлыйсы юк. Шулай бөтен нәрсәдән уңай якларын эзләп йөрим инде мин», – дип яза җырчы үзенең Инстаграм тасмасында.

Шулай, матурлыкны күрә белергә кирәк булган кебек авырлыкларның да уңай ягын таба белү файдалы. Көннәрегез матур булсын, дуслар!

Автор: А.Галимова

Фото: Инстаграм @dilyanig