«Этләр белән эт буласыбыз килми, көчекләр белән – бигрәк тә»

Берничә көн элек Элвин Грей Вилли проектының ябылуы хакында игълан итте. Тамашачылар моны Вилдан белән Гөлназ Асаеваның кавышуына бәйләделәр: кайчандыр Радик белән Гөлназ бергә булганнар, имеш. Ләкин Элвин Грей лейблы сүзләре буенча, Вилдан контракт шартларын үтәмәгәнгә күрә, аны куып чыгарганнар. «Ул пирамидага кереп кушылды һәм фанатларын да үзенең артыннан чакыра башлады. Нәтиҗәсе бер генә булачак: пирамида ишеләчәк һәм бик күп кеше бурычка батып калачак. Лейбл минуста калыр иде», – дип язган иде лейбл.

Кичә исә Гөлназ Асаеваның инстаграм битендә Вилдан белән фото пәйда булды. Җырчы аның астында «этләр белән эт буласыбыз килми, көчекләр белән – бигрәк тә», дип язган. Лейблның сүзен истә тотып, әлеге язма Элвин Грейга багышланган дигән нәтиҗә ясап була. 

Инстачылар икеяклы булдылар: берселәр Асаеваны хуплады, ә икенчеләр Элвинны якладылар. 

«Үз урыныгызны белеп, кешеләргә шундый ямьсез сүзләр язмасагыз да була. Артист – артист булып калырга тиеш, базар хатыны түгел»;

«Сез бик матур парлар, шуда да көнләшәләр. Бәхетле булыгыз»;

«Гөлназ дәрәҗәңне төшермә. Сиңа таш атсалар, син аш ат. Иреңне яклама, кирәкми ул. Ир кеше үз көче белән проблемаларны хәл итә торган булсын»;

«Кем көчек тә, ә кем эттер әле?»;

«Бәхетле булыгыз!! Кеше сүзенә карамагыз», дип комментарийлар калдырганнар.