Гөлназ Сәфәрованы кем киенергә өйрәткән?

Гөлназ Сәфәрова үзенең балачагын искә төшерергә булган, инстаграмында ул 13 яшьлек фотосын урнаштырды, матур итеп кинерегә аны әнисе өйрәткән икән.

«Миңа монда 13 яшь! Кечкенәдән әни мине стильно киендерегә тырыша иде. Хәтерлисезме, ул вакытта әле Казанда кием сата торган зур сәүдә үзәкләре юк иде. Базарлар гөрләгән чак. Әни белән кием алырга Пр.Победы һәм «Московский» базарларына йөри идек. Аның үз «тәме» бар иде: рәт-рәт йөрисең, сайлыйсың-сайлыйсың,чагыштырыр өчен башка рәткә кереп китәсең дә, беренче караган рәтне югалтасың» ‒ дип яза Гөлназ үзенең инстаграмында.

Автор: Гөлшат Хәлиуллина

Фото: @saffarka