Гөлназ Сираевадан кабак бәлеше рецепты!

Көз көне күпләрнең төренеп өйдә рәхәтләнеп чәй эчеп, китап укып утырасы гына киләдер ул, мөгаен. Тәмле ризыксыз нинди чәй эчү инде ул? Чәйгә тәмле ризык рецептын Гөлназ Сираева тәкъдим итә. Ул инстаграмында җайлы һәм тиз кабак бәлеше рецептын урнаштырды.

Кирәк булачак:

кипкән җимеш (йөзем, күрәгә, караҗимеш);
дөге;
кабак;
ярты пачка ак май;
1 йомырка;
сода;
3-4 аш калагы шикәр;
үсемлек мае;
тоз;
он.

Җимешләрне берничә тапкыр юасыз һәм бүртергә калдырасыз. Шулай ук дөгене юасыз һәм пешергә куясыз. Дөге пешкән арада кабакны чистартып шакмаклап турыйсыз. Шул вакытта дөгене карарга онытмагыз: ул бөтенләй пешеп җитмәскә тиеш. Кайнар дөге өстенә ярты пачка ак май, 3-4 калак шикәр саласыз. Аннан соң 1 йомырка сытып, су, үсемлек мае, он, бераз сода һәм тоз салып бәлеш камыры ясыйсыз.

Камыр басасы. Дөге, җимешләрне һәм кабакны бергә салып болгатасыз. Камыр җәеп калган арада духовканы кабызып 200 градуска кадәр җылытасыз. Кабак бәлешен духовкага 70-75 минут пешәргә тыгасыз.

Тәмле булсын, укучыларыбыз!

Автор: Г. Вәлиева

Фото/видео: Инстаграм @gulnaz_siraeva

Посмотреть эту публикацию в Instagram

Хәерле кичләр, дуслар! 1 минутка сыйдырырга тырыштым, шуна тиз-тиз анлатам. Аңлаешлы булмаса, языгыз, аңлатырга тырышырмын? Ашларыгыз тәмле булсын!?

Публикация от Гульназ Сираева (@gulnaz_siraeva) 7 Окт 2019 в 9:50 PDT