Хәбәрләр

Илебез онытмас

Баласын югалткан ата-ананың, туганнарның якын кешеләрен югалтудан барлыкка килгән күңел ярасы әле өр-яңа. Аларны юатырга сүзләр табып булмый, алар юк...

Дулкынланып кунаклар көтәбез... Бер-бер артлы районыбызның төрле авылларыннан, район үзәгеннән яраткан китап укучыларыбыз, хөрмәтле җитәкчеләр, хезмәттәшләр, Казандагы “Апас” якташлык җәмгыятенең актив әгъзалары китапханәбезнең иркен залына җыела башладылар. Бездән дә артык дулкынланып, халыкка тәкъдим ителәсе “Энекәш” китабының төп герое райондашыбыз, Кече Болгаер авылы егете Илнур Закировның (Физик) бертуган апалары да залыбызның түренә уздылар. Бер яктан карасаң күңелле, икенче яктан карасаң күңелгә авыр “Кайтырга дип китәм...” дип аталган чара иде бу.