Казанга Кытайның Хэйлунцзян провинциясе делегациясе килде

Казан Кремлендә бүген кич белән Рөстәм Миңнеханов Хэйлунцзян провинциясе губернаторы Ван Вэньтао белән очрашачак.

Кичә, 11 июльдә, Кытайның Хэйлунцзян провинциясе губернаторы Ван Вэньтао җитәкчелегендәге делегация Татарстанга килде. Бу хакта Татарстан Хөкүмәте рәсми сайтында хәбәр ителә.

“Казан” халыкара аэропортында кунакларны Татарстан Премьер-министры Алексей Песошин каршы алды.

Бүген,  12 июльдә, делегация Иннополис шәһәрендә, Зөя утрау-шәһәрлегендә булуны һәм Казан федераль университеты белән танышуны планлаштыра.

Кич белән Казан Кремлендә Татарстан Республикасы Президенты Рөстәм Миңнеханов Хэйлунцзян провинциясе губернаторы Ван Вэньтао белән очрашачак.

Фото: tatarstan.ru

Татар-Информ