Казанлылар "Кырлай" паркы артындагы яшел зонаны чистартачаклар

(Казан шәһәре KZN.RU, 19-нчы июль). 21 һәм 22 июльдә "Кырлай" паркы артындагы урманда өмә узачак.  Активистлар әлеге территорияне чүптән арындырырга планлаштыра. Әйләнә-тирә мохиткә битараф булмаган шәһәрлеләрне чарада катнашырга чакыралар.

"Казанга мәхәббәтебезне күрсәтик. Инициатива белдереп, бу урынны төзекләндерик", - дип язалар активистлар социаль челтәрләрдә.

Чарада катнашучылар 10.00 сәгатьтә "Кырлай" паркының үзәк капкалары янында очрашалар, чүп капчыклары һәм бишбармаклар алып килергә киңәш ителә.

фото: www.kzn.ru

www.kzn.ru