Хәмдүнәнең чыршысы бар

Бүген истәлекле көннәрнең берсе, беләсегез килсә! Бүген Г.Тукай исемендәге татар дәүләт филармония бакчасында Татарстанның халык артисты Хәмдүнә Тимергалиева тарафыннан истәлек агачы утырту көне. Купшы чыршы агачы ул. Бүгенге көндә филармония бакчасында Илһам Шакиров, Әлфия Авзалова, Эмиль Җәләлетдинов, Флюра Сөләйманова, Фәрит Хатыйпов, Рабига Сибгатуллина, Рамил Курамшин, Булат Балтанов тарафыннан утыртылган агачлар үсә инде. Алардан тыш, Г.Тукай, Н.Рахлин, Җ.Фәйзи, А.Арсланов, Ф.Мансуров, А.Ключарев истәлегенә утыртылганнары да бар. 2015 елның 30 октябрендә башланган әлеге күркәм чара безгә янәшәбездә тере тарих, тере легендалар яшәүне тагын бер кат искә төшерә, сәнгатебезгә әйтеп бетергесез өлеш керткәннәрне тагын бер кат зурлый. Сез дә читтә калмагыз берүк - бүген үк әлеге бакчаны барып күреп кайтыгыз.

Фото: ВКонтакте 

Гөлнара Җәлилова