«Минем яшем – минем байлыгым» фестиваленең финалы

Өлкәннәр һәм инвалидлар йорт-интернатының «Мирас» ансамбле республика конкурс-фестиваленең зона этабына узды.

“Безнең Чирмешән“, Гөлсирә Шәрифуллина). Алексеевскида социаль хезмәт күрсәтелүчеләр арасында «Минем яшем – минем байлыгым» республика конкурс-фестиваленең зона этабы узды. Анда өлкәннәр һәм инвалидлар йорт-интернатының «Мирас» ансамбле да чыгыш ясаган һәм финал этабына сайлап алынган, дип яза җирле басма.

Монда 8 районнан: Алексеевск, Әлки, Аксубай, Яңа Чишмә, Нурлат, Спас, Чистай һәм Чирмешән вәкилләре катнашкан. Артистлар «вокал», «хореография», «нәфис сүз» номинацияләрендә көч сынашканнар.

Зона этабында җиңү яулаучылар 28 сентябрьдә Казанда узачак «Минем яшем – минем байлыгым» фестиваленең финалында сыналачак.

Фото Гөлсирә Шәрифуллина

татар-информ