«Сәйдәш» Мәдәният үзәгендә Gauga төркеменең концерты узды

Программага төркемнең төрле елларда чыккан альбомнарыннан иң популяр җырлары кергән иде. Концертка Gauga-ның тугры фанатлары ныклап әзерләнгән: алар башка тамашачылардан аерылып торыр өчен кызыл яки куе кызыл төстәге киемнәр сайлаганнар. Шуңа өстәп, аерым җырлар яңгыраганда телефоннарның фонарьларына беркетеп куяр өчен төрле төстәге ябыштыргычлар да тараттылар. Тамашачылар һәм сәхнәдәге артистлар бер дулкында булып, сәгать ярымга якын вакыт сизелмичә үтте. 

Фото Таңсылу Мостафина