Татарстанда ипотека кредитлары саны өч тапкыр арткан

2018 елның беренче яртыеллыгында 64 меңнән артык ипотека килешүе теркәлгән.

(Казан, 17 июль, “Татар-информ”). 2018 елның беренче алты аенда Татарстанда 64 меңнән артык ипотека кредитлары теркәлгән. Бу сан 2017 елның беренче яртыеллыгына караганда 33 процентка артык. Бу хакта Татарстан Республикасы буенча Росреестр Идарәсенең матбугат хезмәте хәбәр итә.

Татарстандагы кредит килешүләренең яртысы Казанда теркәлгән – якынча 32,5 мең ипотека. Торак йортлар өчен алты ай эчендә 29 мең ипотека кредиты алганнар, ә яшәү өчен булмаган биналар өчен – якынча тугыз мең, җир кишәрлекләренә – 2,3 мең ипотека кредиты.

Татарстанда өлешләп түләү программасы буенча килешүләр саны өч тапкырга арткан. 2018 елның беренче алты ае өчен Росреестр Идарәсе республика буенча 8,7 меңнән артык өлешле катнашу килешүе теркәгән. 2017 елның беренче яртыеллыгында бу күрсәткеч 6,6 мең булган.

2018 елның гыйнвар-июнь айларында торак йортлар өчен теркәлгән килешүләр 133 меңне тәшкил иткән, машина урыны – якынча 250 мең, җир кишәрлекләре өчен теркәлгән гомуми килешүләр 85 меңнән арткан. Моннан тыш, агымдагы елның беренче яртыеллыгында торак йортларны сату-алу буенча 34 мең килешү теркәлгән, ә 19 меңгә якын килешү җир кишәрлекләре буенча булган.

• Ел башыннан алып, Татарстанда 18,7 миллиард сумнан артык ипотека бирелгән.

• Фото: pixabay.com

•  

• татар-информ