Тинчурин театрының журналистлар клубы кысаларында чираттагы лекция узды

30 май көнне, К. Тинчурин театрының «Кунак бүлмәсе»ндә, театр журналистлары клубы эше кысаларында, профессор, филология фәннәре докторы Нурфия Марс кызы Йосыпованың «20 нче гасырның икенче яртысында татар драматургиясе үсеше» темасына лекция-әңгәмәсе узды.

Очрашуда Казан Федераль Университетының милли һәм глобаль медиа кафедрасы студентлары катнашты. Очрашулар студентларның мәдәният өлкәсендәге күзаллауларын баета, аларны театрга якынайта.

Киләчәктә дә театр сәнгатенең күренекле һәм танылган шәхесләре белән очрашулар көтелә, дип хәбәр итә Тинчурин театрының матбугат үзәге.