ТР Президенты Кемеровода янгында һәлак булганнарның гаиләләренең кайгысын уртаклашты

(Казан, 26 март, «Татар-информ»). Татарстан Президенты Рөстәм Миңнеханов Кемерово шәһәренең «Зимняя вишня» сәүдә-күңел ачу үзәгендәге янгында һәлак булганнарның туганнары һәм якыннарының тирән кайгысын уртаклашты.

Кайгы уртаклашу сүзләре ТР Президентының Инстаграм социаль челтәрендәге сәхифәсендә чыкты.

«Кемереводагы коточкыч фаҗигадә өлкәннәр һәм балаларның гомере өзелде. Һәлак булганнарның гаиләләренең тирән кайгысын уртаклашам», - дип язган Рөстәм Миңнеханов.

татар-информ