«Туган телләр поезды» – җиңүче!

РФнең Иҗтимагый палатасында Милли мөнәсәбәтләр өлкәсендәге V Бөтенроссия иң яхшы тәҗрибәләр конкурсының җиңүчеләрен бүләкләделәр. Бүләкләү тантанасы җиңүчеләрнең зур эшлекле уены кысаларында булып узды. Конкурска 74 регионнан барлыгы 492 гариза килгән. Нәтиҗәдә 25 проект кына сайланып алына. «Туган телләр поезды» – Татарстаннан катнашкан проектлар арасында бердәнбер җиңүче. Конкурсның бөтен финалистларына сертификатлар, җиңүчеләренә дипломнар һәм истәлекле бүләкләр тапшырылды. Июнь азагында Милли мөнәсәбәтләр өлкәсендәге VI Бөтенроссия иң яхшы тәҗрибәләр конкурсы cтарт алачак. Экспертлар фикеренчә, яңа этномәдәни проектларда игътибарны күбрәк яшь буынга юнәлтергә кирәк.

Казан Мэриясенең матбугат хезмәте. "Милли" тг-каналы