«Усал хатын мужикны чүпрәккә әйләндерә»

Автор-башкаручы Ринат Рахматуллин белән «Интертат»та чыккан интервьюдан өзек.

– Ир ник чүпрәккә әйләнә икән?

– Ирнең характеры нык түгел, димәк. Мин моны булдырам дип әйтеп, шуны үти алмаган ир паникага бирелә. «Минем хәлдән килми, мин булдыра алмыйм. Беркемгә кирәкмим икән, ни хатынга, ни гаиләмә, ни дусларыма», – дип уйлый. Бу моментта нык ихтыяр көче кирәк, хатын-кыздан да күп нәрсә тора. «Вәт син булдыра алмыйсың, син кем инде, синнән бернәрсә дә килми, ни акча эшли алмыйсың, ни гаиләне карамыйсың», – димәсен. Шундый «стерва» хатыннар була бит, һаман «пилить» итеп тора ул. Шуннан соң тора-бара ир: «Чыннан да, минем хәлдән бернәрсә дә килми икән», – дип уйлый башлый. Усал хатын мужикны чүпрәккә әйләндерә. Хатын тарафыннан иргә терәк кирәк. Ярар, ул аны сүксен дә ди, шунда бер җылы сүз дә әйтеп куйсын: «Син бар, син булмасаң, без нишләр идек», – дип. Бер сүз мужикның тормышын үзгәртергә мөмкин, чүпрәктән затлы сөлгегә әйләнәчәк ул.

– Сөяркәләрең күпме?

– Миллион!

– Дөресен әйт.

– Миндә любовницалар юк, миндә бар яраткан, хөрмәт иткәннәр генә.

– Яраткан хатын-кызларың бар инде.

– Да!

– Ничәү?

– Бу сорауга җавап бирмим. Кемдә юк инде ул хәзер любовницалар?! 

Тулырак: Интертат